25.01.2012 14:10
Sýnikennslu Guðmars Þórs Péturssonar sem vera átti í kvöld miðvikudag 25/01 2012 hefur verið frestað vegna veðurútlits.
Sýnikennslan verður mánudaginn 30. janúar 2012 kl. 20:00
Skrifað af Ingi Tryggvason
19.01.2012 16:18
Guðmar Þór Pétursson tamningamaður með meiru verður með sýnikennslu í Faxaborg miðvikudaginn 25. janúar 2012 kl. 20:00. Guðmar Þór er óþarft að kynna fyrir hestamönnum og ættu þeir ekki að láta þetta tækifæri framhjá sér fara.
Aðgangseyrir 1.000 fyrir 16 ára og eldri. Ókeypis fyrir 15 ára og yngri.
11.01.2012 15:04
Laugardaginn 14. janúar 2012 verður Faxaborg upptekin frá kl. 09:00 til 12:00 vegna kennslu í Knapamerkinu
05.01.2012 14:49
Knattspyrnuæfingar á vegum Skallagríms verða á þessum tímum:
Mánudagur kl. 16:15-17:15
Miðvikudagur kl. 16:15-18:30
Fimmtudagur kl. 17:00 til 18:00
Skrifað af Ingi Tryggvason
04.01.2012 08:06
Að gefnu tilefni skal það ítrekað að aðeins handhafar árs- og mánaðarkorta mega nota Faxaborg til útreiða. Korthafar mega ekki hleypa öðrum inn í höllina.
Notendur hallarinnar skulu þrífa upp skít eftir sína hesta á reiðvelli og í hesthúsi að lokinni notkun.
Brjóti korthafar gegn þessum og öðrum gildandi reglum verða þeir sviptir afnotarétti af Faxaborg.
Skrifað af Ingi Tryggvason
04.01.2012 08:00
KNAPAMERKIÐ verður kennt í Faxaborg í vetur og eru þessir tímar uppteknir vegna þess:
Þriðjudagur 10. og 24. janúar frá kl. 17:00 til 20:00
Þriðjudagur 7. og 21. febrúar frá kl. 17:00 til 21:30.
Þriðjudagar í mars, apríl og maí frá kl. 17:00 til 19:30.
Skrifað af Ingi Tryggvason
05.12.2011 08:11
Folaldasýning var í gær sunnudag í Faxaborg. Þar voru sýnd 25 folold, 17 hryssur og 8 hestar. Það var vandsamt verk fyrir Dalamanninn Valberg Sigfússon kynbótadómara að dæma enda voru þarna mörg glæsileg og vel ættuð folöld. Folöldin sýna það vel að ræktendur/eigendur þeirra eru metnaðarfullir í ræktunarstarfinu.
Ekki var raðað í sæti fyrir utan 1. sæti.
Úrslit urðu þessi.
Hryssur:
1. sæti Hrafnhetta frá Innri-Skeljabrekku IS2011235610 brúnskjótt/höttótt
Móðir: Nánd frá Miðsitju. Faðir: Álfur frá Selfossi.
Ræktandi og eigandi: Þorvaldur Jónsson
2.-4. sæti
Brynja frá Oddsstöðum 1 IS2011235715 grá/rauð stjörnótt
Móðir: Brák frá Oddsstöðum 1 Faðir: Krákur frá Blesastöðum 1A
Ræktandi og eigandi: Sigurður Oddur Ragnarsson
Fluga frá Einhamri IS2011235260 brún
Móðir: Freyja frá Litla-Kambi Faðir: Krákur frá Blesastöðum 1A
Ræktendur og eigendur: Sif Ólafsdóttir og Hjörleifur Jónsson
Gloría frá Kópareykjum rauð
Móðir: Gleði frá Kópareykjum Faðir: Glymur frá Skeljabrekku
Ræktendur og eigendur: Jón Eyjólfsson og Rebecca Dorn
Hestar:
1. sæti Sigurberg frá Eiðisvatni IS2011135289 jarpur
Móðir: Daladís frá Eiðisvatni Faðir: Heimur frá Votmúla 1
Ræktendur og eigendur: Ása Hólmarsdóttir og Hólmar Pálsson
2.-3. sæti
Frakkur frá Ferjukoti IS 2011136553 rauðblesóttur
Móðir: Gná frá Skáney Faðir: Asi frá Lundum
Ræktandi og eigandi: Heiða Dís Fjeldsted
Fálki frá Innri-Skeljabrekku IS2011135612 brúnstjörnóttur
Móðir: Brá frá Innri-Skeljabrekku Faðir: Dynjandi frá Innri-Skeljabrekku
Ræktandi og eigandi: Þorvaldur Jónsson
Áhorfendur völdu svo fallegast folaldið að þeirra mati. Sigurvegari:
Fluga frá Einhamri IS2011235260 brún
Móðir: Freyja frá Litla-Kambi Faðir: Krákur frá Blesastöðum 1A
Ræktendur og eigendur: Sif Ólafsdóttir og Hjörleifur Jónsson
Eigendum og ræktendum allra folalda á sýningunni er þakkað kærlega fyrir þátttökuna.
Skrifað af Ingi Tryggvason
02.12.2011 13:59
Folaldasýning verður kl. 14:00 í Faxaborg sunnudaginn 4. des. 2012.
Sýnd verða a.m.k. um 20 folöld og eru þau öll vel ættuð. Áhugasamir geta enn skráð eða til kl. 12:00 á morgun laugardag 3/12 hjá Inga gsm 860 2181
Frítt inn fyrir 16 ára og yngri.
17 ára og eldri kr. 1.000 en hjón 1.500.
Alla vega eitt folaldið er til sölu og þá verða að öllum líkindum nokkur fullorðin hross til sölu.
15.11.2011 17:52
Folalda- og sölusýning í Faxaborg, Borgarnesi
Folaldasýning verður í reiðhöllinni Faxaborg, Borgarnesi, sunnudaginn 4. des. nk. kl. 14:00. Skráning fari fram í síðasta lagi 01/12 nk. hjá Inga á netfangið lit@simnet.is eða í síma 860 2181. Skráningargjald á folald er 1.000
Eftir folaldasýninguna verður sölusýning hrossa ef næg þátttaka fæst. Skráning fer fram hjá Inga í síðasta lagi 01/12 nk. Skráningargjald á hross er 2.000.
Aðgangseyrir 1.000 kr. fyrir 17 ára og eldri.
Aðstaða (19 stíur) í hesthúsinu við Faxaborg til að geyma hross þurfi eigendur þess.
Áhugasamir folaldaeigendur og eigendur söluhrossa endilega að hafa samband sem fyrst.
Skrifað af Ingi Tryggvason
14.11.2011 16:54
Faxaborg verður lokuð mánudaginn 14/11 og þriðjudaginn 15/11 2011 vegna framkvæmda.
Um helgina unnu nokkrir (hefðu mátt vera fleiri) félagsmenn í Skugga og Faxa í viðhaldi og endurbótum í Faxaborg. Þar má nefna að grafið var frá sökkli á hesthúsi, hann einangraður og klæddur með stáli. Þá var sett drenlögn við hesthúsið. Þessu er ekki alveg lokið. Veggir í hesthúsi að innan voru þrifnir. Þá voru veggirnir í kringum reiðvöllinn hreinsaðir og málaðar tvær umferðir. Byrjað var að mála veggi á gangi við snyrtingar og afgreiðslu. Þeir sem hafa tíma og geta aðstoðað við að klára þessi verk eru vinsamlega beðnir að hafa samband við Inga gsm 860 2181 eða Ámunda gsm 892 5678.
03.11.2011 21:27
Knattspyrnudeild Skallagríms verður með æfingar fram að áramótum í Faxaborg á miðvikudögum kl. 17:00 til 20:00 og á fimmtudögum frá kl. 16:15 til 19:15.
Old boys verða með knattspyrnuæfingu frá kl. 20:00 til 21:00 á miðvikudögum. Hestamenn geta því ekki notað reiðhöllina á þessum tímum.
31.10.2011 09:16
Vinnudagur í Faxaborg verður laugardaginn 12. nóvember 2011 og verður byrjað kl. 09:00. Það þarf að þrífa, mála, smíða og fleira.
Óskað er eftir félagsmönnum úr Faxa og Skugga. Margar hendur vinna létt verk.
Nánari upplýsingar hjá Inga gsm 860 2181 og Ámunda gsm 892 5678
31.10.2011 09:11
Mótaröð Faxa og Skugga í Faxaborg 2012 verður þessa daga:
4. febr. Fjórgangur
25. febr. Tölt
18. mars Fimmgangur og T2
Þetta er opin íþróttakeppni og bæði einstaklings- og liðakeppni.
Þá er einnig fyrirhugað að halda gæðingakeppni á beinni braut úti þ.e. á ís.
Nánari upplýsingar þ. á m. um fyrirkomulag og reglur á facebook síðu mótaraðarinnar og á hmfskuggi.is
